ትምህርቲ ስግኣት – ክፋል 1 (Riskettan)

ትምህርቲ ሪስኬታን (Riskettan) ንኹሉ መዘወሪ ፍቓድ መኪና (B-körkort) ከውጽእ ዝደሊ ሰብ ግዴታዊ ዝኾነ ትምህርቲ እዩ። እዚ ትምህርቲ እዚ ኣብ ጽርግያ ዘጋጥሙ ሓደጋታትን ስግኣታትን ንምርዳእ፡ ከምኡ’ውን እዞም ነገራት ኣብቲ ከም መዘዋሪ መኪና መጠን እትህቦ ውሳነ ከመይ ከም ዝጸልዉ ንምፍላጥ ዝሕግዝ እዩ።

ቀንዲ ነጥብታት እዚ ትምህርቲ፦

✅ ግዴታዊ እዩ፦ መዘወሪ ፍቓድ (ሊቸንሳ) ንምውጻእ እዚ ትምህርቲ እዚ ክትወስዶ ኣለካ።
✅ ናይ ቲዮሪ ትምህርቲ እዩ፦ እዚ ትምህርቲ እዚ ብጽሑፍን ብምይይጥን ዝውሃብ ኮይኑ፡ መኪና ምዝዋር (ተግባራዊ) ኣይሓውስን እዩ።
✅ ትሕዝቶ ትምህርቲ፦ ቀንዲ ቆላሕታኡ ኣብ ኣልኮል፡ ሓሽሽ (drugs)፡ ድኻም (ድቃስ ምስኣን) ከምኡ’ውን ኣብ ጽርግያ ዘጋጥሙ ሓደገኛ ጠባያት ዘተኩር እዩ።
✅ ንቕሓት የዕቢ፦ ኣብ ጽርግያ ንዘጋጥሙ ስግኣታት ብዝበለጸ ክትግንዘቦምን ንርእስኻ ክትከላኸልን ይሕግዘካ።

እዚ ትምህርቲ እዚ፡ ውሑስ (ርጡብ)፡ ጥንቁቕን ሓላፍነት ዝስምዖን መዘዋሪ መኪና ንምዃን ንዝደሊ ሰብ ኣዝዩ ኣገዳሲ እዩ።